Айыппұл салынды

Қарағандыда ферроқорытпа зауытыа 4 жұмысшы қаза тауып, осыншама адам жарақат алған апат кезінде құтқарушыларды ішке кіргізбегені үшін айыппұл салынды. Қарағандыда ТЖ басқармасының талап-арызы бойынша қозғалған әкімшілік сот аяқталды. Қылмыстық іс әлі сотқа түскен жоқ.

Ферроқорытпа зауытының басшылығы өз адвокатынан басқа тағы да үш адвокат жалдады. Олардың барлығы зауытта өрт сөндірушілердің құтқаратындай ешкім болмағанын айтады. Сондықтан, YDD Corporation қауіпсіздік қызметі оларды ішке кіргізбеген.

– Барлық материал бойынша және куәгерлердің сауалнамасы бойынша өрт болған жоқ. Тиісінше, ЖШС ТЖМ қызметтерін шақыруға міндетті емес еді. Бұл жағдайда ТЖМ қызметтерін шақыру заңсыз болар еді. Кейін ЖШС жалған қоңырау шалғаны үшін кінә тағылатын еді. Тиісінше бұл дау туғызатын мәселе емес. ТЖМ ол жерге заңсыз келді, – деп түсіндірді ферроқорытпа зауытының адвокаты Дмитрий Умнов.

Төтенше жағдай 20 шілдеде таңғы сағат 4-те орын алды. Пештен жалын шыққан. 8 қызметкер ауыр күйік жарақатын алды. Әкімшілік жедел жәрдем шақырған жоқ, бірақ зардап шеккендерді ауруханаға газельмен жіберген. Олардың 4-еуі ауруханада қайтыс болды. Құтқарушылар да шақырылған жоқ. Төтенше жағдай туралы полицияға 2 сағаттан кейін хабарланған. Бірақ екі өрт сөндіру машинасы бірнеше минуттан кейін зауытқа келгенде, олар прокуратура араласқанға дейін 40 минут бойы іске қосылмады. Қарағанды ТЖБ олардың қызметіне кедергі жасалғаны туралы сотқа талап арыз берді. Нәтижесінде сот YDD Сorporation ЖШС кінәлі деп және 738 400 теңге сомасында айыппұл өндіріп алу туралы қаулы шығарды.

– Кедергі болды. Бастапқыда өкілдің өзі мұны мойындады YDD Corporation ЖШС кінәсі дәлелденді, дәлелдерді, құжаттарды, YDD өкілінің дәлелдерін жоққа шығару ұсынылмады. Әкімшілік жауапкершілік туралы хаттамаға шағым жасалмады, қызметкерлердің әрекеттері заңсыз, жарамсыз деп танылмады. Сондықтан YDD Corporation-ді жауапкершіліктен және әкімшілік жазадан босату үшін заңды негіздер жоқ, – деді судья Эльмира Сақтапбергенова.

АЙДЫН ШАЛАТАЙҰЛЫ, «QH»