Олжас Сүлейменовтің сөз құдіреті мен рухани болмысы

Олжас Сүлейменов поэзиясы – авторың үлкен ғылым әлеміне жол ашуына себепкер болған құбылыс. Оның терең зерттеулері Еуразия тарихына жаңа көзқарас қалыптастырып, көне түркі өркениеттерін шумер, этрусск және славян халықтарының мұраларымен қатар қарастыруға мүмкіндік берді.

Қайсар рух иесі Олжас Сүлейменовтің болмысын айқындайтын басты қасиет – оның берік ерік-жігері мен жасампаз энергиясы. Кеңестік идеология үстемдік құрған дәуірде Олжас Сүлейменов орныққан қағидаларға қарсы пікір айтуға батылдық танытты. Түрлі кедергі мен сын-қатерлерге қарамастан, ақын өз шығармашылығын туған халқының мүддесін қорғаудың символына айналдырып, қазақ эпосындағы батырлармен үндес тұлғаға айналды.

Оның қызметінің маңызды бағыттарының бірі – қазақ, қарашай және балқар халықтары арасындағы рухани сабақтастық пен тілдік бірлікті күшейту еді. Орталық Азияға күштеп қоныс аудару жылдарында ортақ дүниетаным мен тілдік жақындық халықтардың ұлттық болмысын сақтап қалуға зор ықпал етті.

Жалпытүркілік лексиканы зерттеу арқылы Олжас Сүлейменов халықтардың тарихи сабақтастығын сақтауға зор үлес қосты.

Уақыт өте келе бұл рухани тұтастық саяси деңгейге көтерілді. 1989 жылы КСРО Жоғарғы Кеңесінің алғашқы сессиясында Олжас Сүлейменов қуғын-сүргінге ұшыраған халықтарды толық ақтау мәселесін батыл көтерді. Осы күрестің нәтижесінде 1991 жылы тарихи әділеттілікті қалпына келтірген заң қабылданды.

Олжас Сүлейменовтің тек көрнекті ақын әрі ойшыл ғана емес, түркі халықтарының рухани бірлігінің символына айналғанын ерекше атап өткен жөн. Оның шығармашылығы, ғылыми ізденістері мен қоғамдық қызметі тарихи жадыны, мәдени мұраны және ұлттық сананы сақтауға зор үлес қосты. Сүлейменовтің сөз құдіреті, мәдениеттер ортақтығы мен тарихи тамырларға құрмет туралы идеялары бүгінгі күні де өзектілігін жоғалтқан жоқ. Олар халықтарды өзара түсіністік пен рухани ынтымақтастық негізінде біріктіруді жалғастырып келеді.

Жанат АЗИМБАЕВА,

Әілқас Сағынов атындағы Қарағанды техникалық

университеті» КеАҚ Орыс

тілі және мәдениеті кафедрасының аға оқытушысы,

педагогика ғылымдарының

кандидаты

Айнұр КИШЕНОВА,

«Әбілқас Сағынов атындағы

Қарағанды техникалық университеті» КеАҚ Орыс тілі

және мәдениеті кафедрасының аға оқытушысы