Әлихан Бөкейхан ауданының 2025 жылға арналған даму стратегиясы
Әлихан Бөкейхан ауданының әкімі Досбол Құлекеев 2025 жылға жоспарланған жұмыстар жөнінде баспасөз конференциясын өткізіп, ауданның даму бағыттары туралы маңызды мәліметтермен бөлісті. Басты мақсат – тұрғындардың өмір сүру сапасын арттыру, инфрақұрылымды жетілдіру және ауданның көркеюін қамтамасыз ету. Жоспарланған барлық бастама мен шаралар осы міндеттерді жүзеге асыруға бағытталған.
2024 жылғы негізгі жетістіктер
Өткен жылы ауданда көптеген игі іс атқарылды. Атап айтқанда:
9 аула аумағы жаңартылып, 24 жаңа жоба жүзеге асырылды;
Балалар ойын алаңдары мен спорттық құрылғылардың сапасы жақсартылды;
33 000 м² жол асфальтталып, 12 510 м² жаяу жүргіншілер жолы салынды;
6 727 м ұзындықта тротуарлар орнатылды;
420 жаңа жарық бағанасы қойылып, 1 000 евроконтейнер орналастырылды;
32 939 м³ көлеміндегі заңсыз қоқыс үйінділері жойылды;
6 000-нан астам ағаш отырғызылып, жаңа демалыс орындары құрылды.
2025 жылға арналған даму жоспарлары
Алдағы жылы да маңызды жұмыстар жүргізу жоспарланған:
20 ауланы жаңарту және подъезд жолдарын асфальттау;
2 жаңа спорт алаңын және 3 балалар ойын алаңын салу;
Қоқыс алаңдарының айналасына қоршаулар орнату;
Заңсыз қоқыс үйінділерін жою жұмыстарын жалғастыру;
Майқұдық аумағында бірнеше аула мен қоғамдық орындарды жаңарту;
13, 17, 14 шағынауданда спорт алаңдары мен скверлер салу;
6 000 м² тротуар төсеу және көше жарықтандыруын жетілдіру.
Жеке секторда да жол сапасын жақсарту шаралары қолға алынуда. Атап айтқанда, Шахтер, Сахалин және Курьяновка елдімекенінде жаңа асфальт төселеді. Сондай-ақ, Бирюзов пен Карл Маркс көшелерінде де жөндеу жұмыстары жүргізілмек.
«Бюджет халық қатысуы» бағдарламасы аясындағы жобалар 2025 жылы 43 жаңа жоба жүзеге аспақ. Оның ішінде, 8 жаңа футбол алаңы, 5 баскетбол алаңы, 15 балалар ойын алаңы, 9 жаңа сквер, 3 көше бойынша жаяу жүргіншілер жолдары, 2 көше бойынша жаңа жарықтандыру жүйелерін қамтиды.
– Ауданның тазалығын қамтамасыз ету үшін қоқыс үйінділерін жою және қалдықтарды шығару жұмыстары жалғасады. Бұл бағыттағы жұмыстарды жалғастырып, экологиялық жағдайды жақсарту жоспарланған. Қыс мезгілінде ауданның тазалығын қамтамасыз ету үшін арнайы техника мен жұмысшылар саны арттырылды. Ауданның барлық көшесінен 270 000 м³ қар шығарылып, арық жүйелері тазартылуда. Бұл шаралар көктемде су басудың алдын алу мақсатында жүргізілуде, – деп атап өтті Ә.Бөкейхан ауданының әкімі Досбол Құлекеев.
Аудандағы барлық жоспарланған және атқарылатын жұмыс тек инфрақұрылымды жақсартуға емес, сонымен қатар тұрғындардың өмір сапасын арттыруға бағытталған. 2025 жылы жүзеге асатын жобалар ауданның одан әрі дамуына серпін беріп, тұрғындарға қауіпсіз әрі жайлы өмір сүру жағдайларын қамтамасыз етеді.
Жұпар АМАНБАЙҚЫЗЫ,
«QH