Колледждерге құжат қабылдау басталады

Қазақстанда 25 маусымнан бастап колледждерге құжат қабылдау науқаны басталады. Жаңа оқу жылына мемлекеттік тапсырыс аясында 140 мың грант орны бөлінді. Бұл өткен жылмен салыстырғанда бірнеше мың орынға артық.

Талапкерлер құжаттарын екі тәсілмен тапсыра алады: eGov электрондық үкімет порталы арқылы немесе колледждердің қабылдау комиссиясына тікелей барып өткізуге мүмкіндік бар. Оқу-ағарту министрлігі электрондық форматтың кезексіз, қағазбастылықсыз және тәулік бойы қолжетімді екенін атап өтті.

Биыл техникалық мамандықтарға басымдық беріліп отыр. Мемлекеттік тапсырыс көлемі де негізінен осы бағыттарға көбейтілген. Ел экономикасына механиктер, токарьлар, слесарлар және басқа да жұмысшы мамандар қажет.

Орта буын және қолданбалы бакалавриат мамандықтарына түсушілер арасында конкурс аттестаттың орташа балы бойынша жүргізіледі. Бұл ретте міндетті және бейіндік пәндердің бағалары ескеріледі. Ал жұмысшы біліктілігін алуға ниетті түлектер әңгімелесуден өтеді. Болашақ педагогтар эссе немесе диктант жазса, медициналық және шығармашылық мамандықтарға түсушілер арнайы емтихан тапсырады.

Қабылдау науқаны осы аптада басталады. Сондықтан мектеп түлектері үшін басты міндет – құжаттарын уақытылы өткізіп, болашақ мамандығын дұрыс таңдау.