Жұмысшы мамандықтар жылына арналған кітап көрмесі

Оқуға, зерттеуге және жаңа салалармен танысуға қызығатын барша ниет білдірушілерді кітапхана жаңа көрмеге шақырады. Әбілқас Сағынов атындағы Қарағанды техникалық университетінің кітапханасында Жұмысшы мамандықтарға арналған кітап көрмесі өтуде. Ол сәуір айынының соңына дейін жалғасады.

Көрме «Адал азамат – Адал еңбек – Адал табыс» атты тақырыппен ашылып, қазақ геологы Қаныш Сәтбаев пен тау-кен ісінің көрнекті өкілі Әбілқас Сағыновтың еңбектерімен таныстырады. «Тұңғыш академик» деректі повесі және «О пройденном пути» өмірбаяндық кітабы оқырмандарды Сәтбаев пен Сағыновтың өмірлік жолдарымен таныстырады.

Сонымен қатар, ғарыш саласына қызығатын оқырмандар «Қазақстан ғарышкерлері» анықтамалығын оқып, Тоқтар Әубәкіров, Талғат Мұсабаев және Айдын Айымбетовтің ғарышқа ұшу тарихымен таныса алады.

Кенші мамандығы туралы әдебиеттер де көрмеге қойылған. «Мақтаншақ мамандық – кенші» кітабы мен «Шахтаға алғаш түскен жұмысшыға көмек» брошюрасы кеншілер еңбегінің маңыздылығын көрсетеді. Бұл еңбектер жер қойнауын игеру, көмір өндірісі және тау-кен ісінің қыр-сыры туралы құнды ақпарат береді.

Кітапханада атап өткендей, көрме жас ұрпақты адал еңбекке баулу, жұмысшы мамандықтарының маңыздылығын көрсету және жастарға кәсіптік бағдар беру мақсатында ұйымдастырылған. Мұнда түрлі анықтамалық, ғылыми басылымдар, слесарь, электрик, автомеханик, тігінші мамандықтары туралы ақпарат қамтылған. Барлығы 120-дан астам кітап қойылған.