Вагондар саны артуда

Қарағанды облысының Жолаушылар көлігі және автомобиль жолдары басқармасы «Қарағанды – Балқаш» пойызында жазда вагондар санының көбейетінін хабарлады. Бұл – туристердің қалаға жетуін жеңілдетпек.

Жаз айларында Балқашқа туристер көптеп келетіндіктен, жолаушылар «Қарағанды – Балқаш» пойызына билет таппайтынын айтып шағымданған болатын. Сондықтан Қарағанды облысының Жолаушылар көлігі және автомобиль жолдары басқармасы «Қарағанды – Балқаш» пойызындағы вагон санын көбейтуге шешім қабылдады. Бұл тек жаз айларында болады. Маусым айынан бастап бұл бағыттағы вагондар саны 4-тен 6-ға дейін артпақ.

Жанбота БЕЙСЕНБАЙ,«QH»