Кеншілер – құрмет төрінде

Оқылды: 290

Қарағанды облысында көмір саласында 90 мыңға жуық адам еңбек етеді. Мерейтойлық, 75-ші рет аталып өткен Кеншілер күні кеңінен тойланды. Мерекелік марафон екі күнге созылды. Облыс орталығында және Шахтерлер қалалары мен кенттерінде халықтық серуендер мен концерттер өтті. Салтанатты шараның шарықтау шегі отшашу болды.

Абай, Шахтинск және Саран қалаларында Қарағанды облысының әкімі Жеңіс Қасымбек, ArcelorMittal ТМД бойынша бас директоры Виджай Гоял және «АрселорМиттал Теміртау» АҚ Бас директоры Биджу Наир болып қайтты. Олар көмір өнеркәсібінің жұмысшылары мен ардагерлерін Кеншілер күнімен құттықтады.

Қаза тапқан кеншілерге құрмет көрсетілді. Абайда 2021 жылдың қараша айында «Абай» шахтасында болған қайғылы оқиғаны еске алуға арналған мемориалға гүл шоқтарын қойды.

Әрбір шахтерлер қаласында еңбек әулеттері аз емес. Мерекеге көптеген отбасылар балаларымен бірге келді.

— Кеншілер күні — бұл біздің өлкеміздің тарихы мен дәстүрлерін сіңірген сүйікті және ерекше мереке. Өз өмірін осы батыл мамандыққа арнағандардың барлығына үлкен алғысымды білдіргім келеді. Әрқайсыңыздың өміріңіз еңбекқорлықтың, табандылық пен адалдықтың үлгісі бола алады. Сіздердің әлеуметтік-экономикалық дамуымызға қосқан үлестеріңіз баға жетпес. Біз сіздерді мақтан тұтамыз! Барлық кеншілерге денсаулық, өркендеу және амандық тілеймін. Үйлеріңізде жылулық пен жайлылық болсын, — деді Жеңіс Қасымбек.

Көңіл көтеруден бөлек, тәтті-дәмділер де болды. Абайда жергілікті өнімдер жәрмеңкесі ұйымдастырылды.

Театрландырылған қойылымның жас қатысушылары мерекенің тарихын және үшінші от жағатын машинаны көрермендер назарына ұсынды.

Кеншілерді кәсіби мерекелерімен құттықтауға қазақстандық эстрада жұлдыздары да келді. Кеншілер үшін «Самая-самая» хитімен көпшіліктің сүйіспеншілігіне бөленген жас орындаушы Нұрмұхаммед Жақып ән айтты.

Кенші қалалары бойынша концерттік турға ТНТ арнасындағы «Песни» телешоуының бірінші маусымының финалисті Назима, танымал домбырашы Олег Никитин, сондай-ақ ресейлік «Килиманджаро» шоу-тобы қатысты.

Кеншілер күніне орай отшашулар тек қалаларда ғана емес, Шахан кентінде де болды.

 Облыс әкімінің баспасөз қызметі.