Көппәтерлі тұрғынүйлерді заңсыз салу көбеюде
Құрылыс компаниялары құрылыс саласында рұқсат алу рәсімдерінен өтпейтін жағдайлар жиілеп кетті. Аудан прокуратурасы көпқабатты тұрғын үйлерді салу негізділігіне талдау жүргізді. Қарағанды қаласының аумағында 26 құрылысшы көппәтерлі тұрғынүйлер құрылысының барлық кезеңдерін рұқсатсыз жүзеге асырғаны анықталды.
Прокурорлық қадағалау актісі бойынша, мемлекеттік архитектуралыққұрылыстық бақылау басқармасы аталған 26 құрылысшыны әкімшілік жауапкершілікке тартты. Қарағанды қаласының мамандандырылған ауданаралық әкімшілік сотының қаулысымен 8 үйдің құрылысы тоқтатылды. Кепілдік беру қорының кепілдігін алған, екінші деңгейдегі банктің үлестік құрылысына қатысқан, тұрғын үйдің қаңқасы тұрғызылғаннан кейін, сондай-ақ тұрғын үйқұрылыс кооперативін құру арқылы тұрғын үй құрылысына үлестік қатысу туралы шарт жасасу арқылы жүзеге асырылған жағдайларда ақшаны тартып алуға рұқсат етіледі.
Азаматтардың ақшалай қаражаты аталған нормалардан тыс тартып алынған жағдайға әкімшілік жауапкершілік қарастырылған. Проблемалық нысандардың пайда болуына жол бермеу және алданған үлескерлер санының көбеюіне жол бермеу үшін күмәнді құрылыс салушылардан тұрғын үйге қаражат салмауға және рұқсат құжаттарының болуы туралы ақпаратты қайта тексеруге кеңес береміз.
ҚАРАҒАНДЫ ҚАЛАСЫ ҚАЗЫБЕК БИ АТЫНДАҒЫ АУДАНЫНЫҢ ПРОКУРАТУРАСЫ