Рубрика: Ресми

Жастарға арналған «Талдау мектебі» жобасы іске қосылдыҚарағанды облысында жастардың кәсіби дамуын қолдауға бағытталған жаңа жоба – «Талдау мектебі» өз жұмысын бастады. Бір айға созылатын оқу бағдарламасы жергілікті сарапшыларды даярлауға арналған. Жоба аясында қатысушылар мемлекеттік қызмет пен сараптама саласының тәжірибелі мамандарынан дәріс алып, талдау жасау дағдыларын меңгереді. Бағдарлама жастарға өз әлеуетін арттырып, өңірлік шешімдер қабылдауға сараптамалық тұрғыда үлес қосуға мүмкіндік береді. Жобаға 35 жасқа дейінгі, жоғары білімі бар жастар қатыса алады. Алғашқы іріктеу кезеңінде 90-нан астам өтініш қабылданып, олардың ішінен 40 адам таңдалды. Қатысушылар қатарында жоғары оқу орындарының оқытушылары, жеке сектор мамандары және жұмысшы мамандық иелері бар. Жоба қатысушыларының бірі – Аяулым Совет, бірнеше жылдан бері БАҚ саласында қызмет атқарып келеді. Ол Талдау мектебіне алғашқы өтініш берушілердің бірі болды. – Мен бірнеше жылдан бері БАҚ саласында қызмет атқарып келемін. Талдау мектебіне алғашқылардың бірі болып өтінім бергенімнің себебі – кәсіби білімімді жетілдіру, сараптама дағдыларымды дамыту және қоғамдағы өзекті мәселелерді тереңірек түсіну болды. Жобаның форматы мен мазмұны өте қызықты және пайдалы, әр сабақтан жаңа тәжірибе мен кәсіби кеңестер аламын. Бұл мектеп маған кәсіби өсудің ғана емес, өз ойымды жүйелеудің, аналитикалық қабілеттерімді шыңдаудың жақсы мүмкіндігін беріп отыр. Сонымен қатар, әріптестермен тәжірибе бөлісу де үлкен мотивация болып табылады. Талдау мектебіне қатысу мен үшін ерекше тәжірибе әрі болашақ кәсіби жоспарларым үшін маңызды қадам деп есептеймін, – деді шараға қатысушы Аяулым Совет. Талдау мектебі биыл 6-шы жылын тойлап отыр. Бұған дейін жоба тек елордада, Сенат жанында жүзеге асырылған болатын. Ал биыл ол алғаш рет өңірлік деңгейде іске асырылуда, бұл жастарға сараптамалық дағдыларын өз қаласында дамытуға мүмкіндік береді. – Біз үшін жастармен жұмыс жасау – мемлекеттік басқарудың сапасын арттырудың маңызды бөлігі. «Талдау мектебі» сияқты жобалар арқылы еліміздің әр өңіріндегі жас мамандар парламенттік процеске қадам басып, сараптамалық мәдениетті қалыптастырады. Бұл – Қазақстандағы ашық және кәсіби заң шығару жүйесін дамытудың бір бөлігі, –дейді ҚР Парламенті Сенаты Аппаратының басшысы Максим Споткай. Биылғы «Талдау мектебі» жобасы 8 қарашадан 6 желтоқсанға дейін офлайн форматта өтеді. Оқыту бағдарламасына еліміздің жетекші мамандары тартылған: спикерлердің 90 пайызы – Астана мен Алматыдан шақырылған тәжірибелі сарапшылар. Алғашқы сабаққа өңірдің стратегиялық даму бағыттарын таныстырып, алдағы жоспарларымен бөлісу үшін облыс әкімі Ермағанбет Бөлекпаев арнайы қатысып, қатысушыларға менторлық жасады. Бұл тәжірибе жастарға тек теориялық біліммен шектелмей, өңірдің нақты даму контекстін түсініп, сараптамалық дағдыларын практикалық тұрғыда дамытуға мүмкіндік береді. Сенат аппараты үшін де бұл бастама – жастарды қолдап, олардың қоғамдық мәселелерді талдау қабілетін арттырудың маңызды алаңы. – Біз «Талдау мектебі» жобасын өңірімізде қабылдауға өте қуаныштымыз. Бұл бастама жастарға өз қаласында сараптамалық дағдыларын дамытуға, қоғамдық мәселелерді терең түсініп, нақты шешімдер ұсынуға мүмкіндік береді. Жобаның алғашқы сабағында біз облыстың стратегиялық даму бағыттарын таныстырып, алдағы жоспарларымызбен бөлістік. Мұндай тәжірибе жастардың кәсіби және азаматтық әлеуетін арттыруға маңызды үлес қосатынына сенімдімін, – деп атап өтті аймақ басшысы Ермағанбет Бөлекпаев. Оқу аяқталғаннан кейін қатысушылар Қарағанды облысының мемлекеттік органдарына арналған сараптамалық ұсыныстар әзірлейді. Бағалау нәтижесінде үздік нәтиже көрсеткен түлектер өңірлік сараптамалық кеңеске мүше болуға мүмкіндік алады. Сонымен қатар, ең озық жобаларды ұсынған екі команда 2026 жылдың қаңтарында Астанада өтетін «Талдау мектебіне» арнайы шақырту алады, бұл оларға тәжірибе алмасып, өз жобаларын республикалық деңгейде таныстыруға жағдай жасайды.

Жастарға арналған «Талдау мектебі» жобасы іске қосылдыҚарағанды облысында жастардың кәсіби дамуын қолдауға бағытталған жаңа жоба – «Талдау мектебі» өз жұмысын бастады. Бір айға созылатын оқу бағдарламасы жергілікті сарапшыларды даярлауға арналған. Жоба аясында қатысушылар мемлекеттік қызмет пен сараптама саласының тәжірибелі мамандарынан дәріс алып, талдау жасау дағдыларын меңгереді. Бағдарлама жастарға өз әлеуетін арттырып, өңірлік шешімдер қабылдауға сараптамалық тұрғыда үлес қосуға мүмкіндік береді. Жобаға 35 жасқа дейінгі, жоғары білімі бар жастар қатыса алады. Алғашқы іріктеу кезеңінде 90-нан астам өтініш қабылданып, олардың ішінен 40 адам таңдалды. Қатысушылар қатарында жоғары оқу орындарының оқытушылары, жеке сектор мамандары және жұмысшы мамандық иелері бар. Жоба қатысушыларының бірі – Аяулым Совет, бірнеше жылдан бері БАҚ саласында қызмет атқарып келеді. Ол Талдау мектебіне алғашқы өтініш берушілердің бірі болды. – Мен бірнеше жылдан бері БАҚ саласында қызмет атқарып келемін. Талдау мектебіне алғашқылардың бірі болып өтінім бергенімнің себебі – кәсіби білімімді жетілдіру, сараптама дағдыларымды дамыту және қоғамдағы өзекті мәселелерді тереңірек түсіну болды. Жобаның форматы мен мазмұны өте қызықты және пайдалы, әр сабақтан жаңа тәжірибе мен кәсіби кеңестер аламын. Бұл мектеп маған кәсіби өсудің ғана емес, өз ойымды жүйелеудің, аналитикалық қабілеттерімді шыңдаудың жақсы мүмкіндігін беріп отыр. Сонымен қатар, әріптестермен тәжірибе бөлісу де үлкен мотивация болып табылады. Талдау мектебіне қатысу мен үшін ерекше тәжірибе әрі болашақ кәсіби жоспарларым үшін маңызды қадам деп есептеймін, – деді шараға қатысушы Аяулым Совет. Талдау мектебі биыл 6-шы жылын тойлап отыр. Бұған дейін жоба тек елордада, Сенат жанында жүзеге асырылған болатын. Ал биыл ол алғаш рет өңірлік деңгейде іске асырылуда, бұл жастарға сараптамалық дағдыларын өз қаласында дамытуға мүмкіндік береді. – Біз үшін жастармен жұмыс жасау – мемлекеттік басқарудың сапасын арттырудың маңызды бөлігі. «Талдау мектебі» сияқты жобалар арқылы еліміздің әр өңіріндегі жас мамандар парламенттік процеске қадам басып, сараптамалық мәдениетті қалыптастырады. Бұл – Қазақстандағы ашық және кәсіби заң шығару жүйесін дамытудың бір бөлігі, –дейді ҚР Парламенті Сенаты Аппаратының басшысы Максим Споткай. Биылғы «Талдау мектебі» жобасы 8 қарашадан 6 желтоқсанға дейін офлайн форматта өтеді. Оқыту бағдарламасына еліміздің жетекші мамандары тартылған: спикерлердің 90 пайызы – Астана мен Алматыдан шақырылған тәжірибелі сарапшылар. Алғашқы сабаққа өңірдің стратегиялық даму бағыттарын таныстырып, алдағы жоспарларымен бөлісу үшін облыс әкімі Ермағанбет Бөлекпаев арнайы қатысып, қатысушыларға менторлық жасады. Бұл тәжірибе жастарға тек теориялық біліммен шектелмей, өңірдің нақты даму контекстін түсініп, сараптамалық дағдыларын практикалық тұрғыда дамытуға мүмкіндік береді. Сенат аппараты үшін де бұл бастама – жастарды қолдап, олардың қоғамдық мәселелерді талдау қабілетін арттырудың маңызды алаңы. – Біз «Талдау мектебі» жобасын өңірімізде қабылдауға өте қуаныштымыз. Бұл бастама жастарға өз қаласында сараптамалық дағдыларын дамытуға, қоғамдық мәселелерді терең түсініп, нақты шешімдер ұсынуға мүмкіндік береді. Жобаның алғашқы сабағында біз облыстың стратегиялық даму бағыттарын таныстырып, алдағы жоспарларымызбен бөлістік. Мұндай тәжірибе жастардың кәсіби және азаматтық әлеуетін арттыруға маңызды үлес қосатынына сенімдімін, – деп атап өтті аймақ басшысы Ермағанбет Бөлекпаев. Оқу аяқталғаннан кейін қатысушылар Қарағанды облысының мемлекеттік органдарына арналған сараптамалық ұсыныстар әзірлейді. Бағалау нәтижесінде үздік нәтиже көрсеткен түлектер өңірлік сараптамалық кеңеске мүше болуға мүмкіндік алады. Сонымен қатар, ең озық жобаларды ұсынған екі команда 2026 жылдың қаңтарында Астанада өтетін «Талдау мектебіне» арнайы шақырту алады, бұл оларға тәжірибе алмасып, өз жобаларын республикалық деңгейде таныстыруға жағдай жасайды.