Бәрі жақсы және «әдемі» болады. Продюсер Жан Мұқанов «Junior Eurovision 2022» байқауындағы жоспарлар туралы айтты

Артистизм, харизма, керемет вокал. Дэвид Чарлиннің бойындағы бұл қасиеттер «Baqytty Bala-2022» байқауының мүшелерін тәнті етті. Дарын иесі балалар Евровидениесіне еліміздің атынан қатысуға лайық болып көрінді. Бұл туралы Орталық коммуникациялар қызметі алаңында өткен брифингте продюсер Жан Мұқанов айтып берді.


Жақынырақ танысқан кезде Давидтің еңбекқор, мақсатшыл, нағыз патриоты екені белгілі болды.
«Мен Евровидениені, әсіресе балалар байқауын жақсы көремін. Биыл оған бесінші рет қатысамыз, бұл керемет. Біз бәрін таң қалдыра аламыз, оған мүмкіндік бар. «Хабар» Агенттігі ресми аккредиттелген Еуропалық хабар тарату одағының мүшесі болғандықтан, келесі жылы ересектер Евровидениесіне қатысуымыз мүмкін. Бәрі ойдағыдай болады деп үміттенемін. Бәрі жақсы және «әдемі» болады. Қазір дайындық белсенді жүріп жатыр. Осы айдың соңына дейін ән шығаруымыз керек. Екі композитор трек жазады. Бас композиторлардың бірі — маэстро Хамит Шанғалиев. Ол Ержан Максим мен Қарақат Башанованың тректерінің авторы. Екеуі де екінші орын алды. Мен оған: «Сіз екі рет жаздыңыз, біз екі рет екінші орынға ие болдық. Енді үшінші рет бірінші орын алатындай қылу керек!» дедім», — деді спикер.

Қазіргі уақытта клиптер, фотосуреттер түсіріп, «Хабар» агенттігінің телеарналарында бірқатар тележобаларға қатысу жоспарланған. Давид күн сайын вокал бойынша оқытушылармен, хореографтармен жаттығады, сондай-ақ қазақ тілін үйренуге көп уақыт бөледі. Жақын арада Дәуіттің қазақ тіліндегі әні мен бейнебаянының премьерасы өтеді.