Қарағандыда бос жұмыс орындарының жәрмеңкесі өтеді

19 мамырда «Таир» СОО-да барлық жастағы жұмыссыз қарағандылықтар үшін кезекті бос орындар жәрмеңкесі өтеді. Іс-шараны ұйымдастырушы – Қарағанды әкімдігінің халықты жұмыспен қамту орталығы.

Жәрмеңкеде жұмыс іздеушілер жұмыс берушілермен тікелей сөйлесуге мүмкіндік алады. Сондай-ақ жұмыссыздарға өздерін қызықтыратын мәселелер бойынша кеңес беріледі.

Жәрмеңкеге жұмыс іздеп жүрген адамдар, оның ішінде жоғары және арнаулы орта оқу орындарының түлектері қатарындағы жұмыссыздар, сондай-ақ азаматтардың жекелеген санаттары (бас бостандығынан айыру орындарынан босатылған, пробация қызметінде есепте тұрған, мүмкіндіктері шектеулі адамдар) қатыса алады.

Іс-шараға сондай-ақ зейнеткерлікке жақын қалған азаматтар да шақырылады. Оларға «Күміс жас» жобасына қатысу мүмкіндіктері туралы айтылады.

Жәрмеңкенің жұмыс уақыты: 15:00-ден 17:00-ге дейін.

«Таир» СОО мекенжайы: Космонавтов көшесі, 1в.

Байланыс телефоны: 996-397, 996-493, +7-775-644-35-80 (WhatsАpp).