Қарағанды облысында қанша жаңа мектеп пайда болады?

Қарағанды облысында үш жыл ішінде он тоғыз жаңа мектеп салынады. Екі жаңа жоба биыл пайдалануға беріледі. Осы жылға жоспар – апатты мектептердің орнына екі мектептің құрылысына кірісу және 142 білім беру нысанын жөндеу.

Орталық коммуникациялар қызметінің алаңында өткен брифингте облыс әкімі Жеңіс Қасымбек Қарағанды облысындағы білім беру саласының дамуы туралы айтып берді.

– 1–4 сынып аралығында балалар тегін ыстық тамақпен қамтылған. Барлық білім беру ұйымдарында дабыл түймелері мен құлақтандыру жүйелері орнатылған, – деп атап өтті Жеңіс Қасымбек. – 500-ден астам оқушысы бар мектептерде мамандандырылған күзет енгізілген және турникеттер орнатылған. Барлық білім беру ұйымдарында бейнебақылау жүйесін заңнаманың талап етілетін нормаларына сәйкес келтіру бойынша жұмыс жүргізілуде.

Балаларды, оның ішінде ерекше қажеттіліктері бар балаларды спортқа тарту бойынша үлкен жұмыс жүргізілуде. Мысалы, мемлекеттік тапсырыс шеңберінде жүзуден 10 жаттықтырушы аутистік спектрдің аурулары мен ментальді бұзылыстары бар балалармен сабақ өткізу үшін оқытудан өтті. 80-нен астам бала қамтылды. Жаңа оқу жылынан бастап Қарағандыда аутизмі бар балаларды қолдау орталығы өз жұмысын бастайды.

Балалар жылы аясында облыс орталығында «Баршаға арналған өнер» жобасы жұмыс істейді, ол мектеп оқушылары мен студенттерге театрларға, концерт залдары мен мұражайларға тегін кіруге мүмкіндік берді.