Қала әкімінің құттықтауы
Құрметті қарағандылықтар!
Сіздерді келе жатқан жаңа 2025 жылмен шын жүректен құттықтаймын!
Бұл жарқын мерекені әрқайсымыз ерекше бір тебіреніспен, қуанышпен қарсы алып, жаңа жылға нұрлы үмітпен қарап, арман-тілектеріміздің орындалуын тілеп, болашаққа жоспар құрып жатырмыз.
Өтіп бара жатқан жыл әртүрлі оқиғаларға толы болды. Осы жылы жеткен жетістіктеріміз жаңа жеңістерге ұмтылуға ынта болсын. Біз көп нәрсе тындырдық, дегенмен, әлі де атқарар істеріміз көп. Солардың ішіндегі ең маңызды міндеттердің бірі – өткен жылы басталған игі істерді жалғастыру.
Баршаңызға қаламыздың игілігі үшін бірлесе атқарған еңбектеріңіз үшін шын жүректен алғыс айтамын. Барлық қиыншылықтар артта қалып, алда өркендеу мен жақсы нәтижелерге толы жемісті еңбек болсын.
Сіздерге шын жүректен жақсылық, мықты денсаулық, бақыт, жұмыстарыңыз бен жеке өмірлеріңізде сәттілік тілеймін!
Құрметпен, Қарағанды қаласының әкімі
Мейрам Кожухов