Бюджеттің кіріс бөлігін арттыру
Бюджеттің кіріс бөлігін арттыру үшін жоспарлы жұмыс тұрақты түрде жүргізіледі. Қалалық мәслихат депутаттары кезекті сессия отырысында бюджет қаржысының игерілуін қарастырды. Бірнеше мәселе көтерілді.
Бюджеттің кіріс бөлігін арттыру бағытында жүйелі жұмыстар тұрақты түрде жүргізіліп келеді. Кірістердің өсу қарқыны сақталды, салықтар мен басқа да төлемдер жоспардағыдан 7,5% артық жиналды. Жоғары тұрған бюджеттерден түсетін трансферттерді есепке алғанда шығыстар 33% өсті. Бюджеттік бағдарламалардың орындалу тиімділігі 98,9%-ды құрады.
– Мәселені қарау аясында депутаттар жеке бюджеттік бағдарламалардың орындалу сапасы туралы мәселе көтерді. Атап айтқанда, бұл – аулаларды абаттандыру, балалар алаңы мен спорт алаңдарын жабдықтау. Осы бағдарламалардың орындалуын бақылау, сондай-ақ қалалық мәслихаттың және аудан әкімі аппараттарының тұрақты комиссиясының отырыстарында талқылау нәтижелеріне қарай мердігерлердің барлық кепілдік міндеттемелерін орындауы жөнінде шаралар қабылдау ұсынылды, – деп атап өтті Қарағанды қалалық мәслихатының депутаты Денис Дедов.
Кепілдік мерзімі біткен жерлерде депутаттар жөндеу-қалпына келтіру бағдарламасы аясында жөндеуге ұсыныс жасады. Ал жауапсыз мердігерлермен белгіленген мерзімде жұмыстар атқарылмаса, шағымдар бойынша жұмыстарды орындау керек. Бюджет қаражаты есебінен аулалар мен ойын алаңдарын қамтитын абаттандыру объектілері құжаттандырылуы тиіс. Қалалық құрылыс және тұрғын үй-коммуналдық шаруашылық бөліміне жеке ұсыныстар берілді.
– Атап айтқанда, мемлекеттік сатып алу рәсімдерін жүргізу мерзімдерін бұзу, келісімшарт жасасу рәсімдерінің ұзаққа созылуы, өнім берушілердің шарттық міндеттемелерді орындамауы, орындалған жұмыстар туралы актілер ұсынбау, жобалық-сметалық құжаттаманы түзету, сот ісін жүргізу – осының барлығы мәселелердің шешілуін кешеуілдетеді, – дейді Денис Дедов.
Сондай-ақ тұрғындарға жайлы өмір сүру жағдайлары мен қолжетімді баспана қарастырылуы керек. Депутат Төлеген Әшімовтің айтуынша, түрлі жұмыс атқарылып жатқанда, халық қалаған шаршы метрді күтіп, жалдамалы пәтерлерде күнелтуге мәжбүр.
– Алайда әлі пайдалануға берілмеген үйлер де бар. «Трилистник» тұрғын үй кешеніндегі екі үй 2017 жылдан бері салынып жатыр. Тапсырыс беруші мен мердігер арасындағы сот ісі де толастамады. Әлеуметтік желілерде бұл үйдің құрылысына қатысты сынның көптеп айтылып жатқанын көреміз, – деп отыр Қарағанды қалалық мәслихатының депутаты Төлеген Әшімов.
Сондай-ақ 14-шағынауданда 2020 жылдан бері салынып жатқан 3 тұрғын үйдің құрылысы назардан тыс қалмады. Ол жерде жобалық-сметалық құжаттаманы реттеуге болады, алайда мұнан шығын ұлғаяды. Қарағанды мәслихаты депутаттарының ұсынысы үкіметке ұсынылып, Төлеген Әшімовтің айтуынша, ол мақұлданды. Сондай-ақ «Бесобаның» жарқын мысалы жаңа құрылыстардағы ақауларды дұрыс геологияға жатқызатын келеңсіздіктерге жол бермеу үшін жобалау-іздестіру және жобалық-сметалық жұмыстарды жеке конкурстарда өткізу ұсынылады. Қала әкімі Мейрам Кожухов құрылыс салушылардан кезекте тұрғандар үшін алғашқы 45 пәтер жақсы аяқталатынын, ал жыл соңына дейін бұл көрсеткіш 300-ге жеткізілетінін айтты. Ал құрылысы аяқталмаған үйлердің барлығы жақын арада салынып бітеді.
Айдын ШАЛАТАЙҰЛЫ, «QH»