Қазақстандықтар ІТ-мамандықтарды тегін игере алады
18 жастан 45 жасқа дейінгі қазақстандықтар ІТ-мамандықтарды тегін игере алады, деп хабарлады ҚР цифрландыру министрлігі. Tech Orda бағдарламасының жаңа ағынына өтінімдерді қабылдау astanahub.com платформасында 31 шілдеге дейін жалғасады.
Жоба веб-әзірлеуді, 3D дизайнын және 3D AR/VR қосымшаларын, операциялық жүйелерді дамытуды, киберқауіпсіздік пен IoT, жасанды интеллект пен алгоритмдерді, мобильді қосымшаларды құруды, сондай-ақ Big Data және GameDev сияқты салаларды қамтитын басым секторлардың барлық спектрін қамтиды.
«2024 жылы бағдарламаға қатысуға өтініш берген 131 жеке IT-мектептің 79-ы аккредиттеуден өтіп, 178 түрлі курстар ұсынды. Оқыту мемлекеттік, орыс және ағылшын тілінде жүргізіледі және оның ұзақтығы таңдалған курсқа байланысты 6 айдан бастап өзгереді. Оқыту форматы икемді – онлайн, офлайн және гибридті. Бұл студенттер үшін жаңа мүмкіндіктер ашады және оларға кәсіпті игерудің неғұрлым ыңғайлы тәсілін таңдауға мүмкіндік береді», – деп атап өтті Astana Hub басқарушы директоры Әзиз Тілеумұратов.
Astanahub.com порталында мектептер мен курстардың толық тізімі бар ІТ-мектептердің витринасы бар. Қосымша ақпаратты таңдалған ІТ-мектебінен немесе 1818 телефоны арқылы алуға болады.