Қарағандылық оқушылар футзалдан ұлттық мектеп лигасында қола иеленді

№ 61 Қарағанды ЖББМ қыздар командасы Қызылордадағы футзалдан мектеп лигасында қола жүлдеге ие болды. Футболшылар он команданың ішінде үшінші болды.

Оларды ұлттық лигаға жаттықтырушылар Алексей Русяев пен Елена Жданникова дайындаған.

– Біздің команда алдымен аудандық, содан кейін қалалық мектептер арасында іріктеуден өтіп, облыстың мектеп лигасының чемпионы атанды. Бұл бізге  Қызылордада өңірдің атынан ойнау ету құқығын берді. Демалыс кезінде команданың барлық мүшесін жинау мүмкін болмады. Сондықтан ұлттық лигада ойыншыларды алмастырмай өнер көрсетуге мәжбүр болдық. Дегенмен, қыздар жақсы нәтиже көрсетті. Енді біз чемпионаттың екі мәрте қола жүлдегерлеріміз, өйткені 2022 жылы да үшінші орынға ие болғанбыз, – деді мектептің жаттықтырушысы және дене шынықтыру мұғалімі Алексей Русяев.

Қыздарды жаттықтыру ұлдарға қарағанда қиын емес, деп мойындады спорт тәлімгері. Балалармен үлкен тәжірибесі бар және бір кездері «Шахтер» ФК кіші құрамдарын жаттықтырған Елена Жданниковамен бірге тіпті де оңай. Қыздар үшін жаттықтырушылар жұмсақ тактиканы таңдайды.

– Қиыны балалар өсіп, мектептен кетеді. Біз жыл сайын команда құрамын ішінара жаңартып отырамыз. Сондықтан әрқашан жаңа жұмыс жеткілікті. Бірақ бізде талантты балалар көп. Жақсы нәтижеге жетеміз деп сенеміз, – дейді Алексей Русяев.

Қарағанды облысы әкімдігі сайтының ақпараты негізінде