Қарағандылық Алан Құрманғалиев Тунистегі халықаралық турнирде қола медаль жеңіп алды

Оқылды: 21

Тунисте WTT Youth Contender Tunis халықаралық турнирінде Азия, Африка, Еуропаның 20 елінен келген шағын ракетка шеберлері бақ сынасты. Қазақстан атынан қарағандылық Алан Құрманғалиев қатысты. Ол тағы да қола медаль жеңіп алып, өзінің шеберлігін көрсетті.

Еліміздің бас тәлімгері Эльмира Әлиеваның шәкірті 19 жасқа дейінгі жас санатында жақсы өнер көрсетті.

ҚР Үстел теннисі федерациясының хабарлауынша, Алан Құрманғалиев Тунистегі турнирде алдымен итальяндық Данило Фасоны 3:0 есебімен жеңді. Содан кейін Польша, Чехия және Бельгиядан келген қарсыластарын жеңді. Алайда, жартылай финалда ол Румыниядан келген Юлиан Чиритадан 0:3 есебімен жеңілді.

Нәтижесінде Алан Құрманғалиев қола жүлдегер атанды.

Қарағанды облысы дене шынықтыру және спорт басқармасының ақпараты негізінде