Қарқаралы ойыншысы әлемдік додада үздік үштікке енді

Монғолияда өткен, тірек-қимыл аппараты мен көру қабілеті бұзылған спортшылар арасындағы тоғызқұмалақтан әлем чемпионатында Қарқаралы тұрғыны Дастан Үмітқалиев қола жүлде иеленді. Жарысқа 10 елден келген 80 ойыншы қатысып, өзара мықтыны анықтады.

– Барлығы 21 партия өткіздім. Ең ауыр ойын павлодарлық қарсыласқа қарсы болды. Ол – Қазақстан чемпионы. Сол партияда жеңіліп қалдым, нәтижесінде ол бірінші, мен үшінші орын алдым. Бірақ жерлестен ұтылған өкінішті емес. Ең бастысы – жеңіс Қазақстан еншісінде, – дейді Дастан Үмітқалиев.

Дастан тоғызқұмалаққа бала кезінен әуестенген. Оған ойынның әліппесін туысы әрі бапкері Берік Бейсенаев үйреткен.

– 3-сыныпта оқып жүргенімде Берік аға үйірмеге шақырды. Аптасына үш рет жаттықтым. Ойын бірден қызықтырды. 2012-2020 жылдары денсаулығыма байланысты үзіліс жасадым, кейін қайта оралдым. Бұрын білетінімді пысықтап, жаңасын үйрендім. Қазақстан чемпионатында күміс медальға да қол жеткіздім, – дейді спортшы.

Айта кетейік, қазақстандық спортшылар жалпыкомандалық есепте де жоғары нәтиже көрсетті. Батыс Қазақстан облысының командасы alone 12 медаль жеңіп алды, оның төртеуі – алтын.

Құралай КӨБЕНОВА,

«QH»