Қарағанды облыстық ауруханасында лапароскопиялық операцияларға арналған жаңа 3D-жабдық іске қосылды

Қарағанды облыстық клиникалық ауруханасы хирургтарға күрделі лапароскопиялық операцияларды қауіпсіз әрі дәл орындауға мүмкіндік беретін заманауи 3D-тірекпен жабдықталды.

Жаңа жүйе жоғары ажыратымдылықтағы камерамен және автономды жарық көзiмен қамтамасыз етілген. Бұл науқастың ішкі ағзаларын үлкен тіліктер жасамай көруге мүмкіндік береді.

– 3D-форматтағы лапароскопиялық құрылғы шағын қуыстарда – мысалы, кіші жамбас аймағында – күрделі реконструктивтік немесе басқа да хирургиялық араласуларды жеңілдетеді, – дейді хирургиялық орталық жетекшісі Борис Цхай.

Бұған дейін ауруханада бар лапароскопиялық жабдық ескіргендіктен, техникалық мүмкіндіктері шектеулі болатын. Қазір жаңа жүйе толық іске қосылып, онда шамамен жиырма операция жасалды.

Аурухана баспасөз қызметінің хабарлауынша, бұл оталар МӘМС аясында тегін жүргізіледі. Жоспарлы операцияға Қарағанды өңірінің ғана емес, басқа облыстардың да пациенттері келе алады.

Заманауи 3D-жабдықты қолдану хирургиялық араласулардың жарақаттылығын азайтып, қан жоғалтуды төмендетеді және пациенттің қалпына келу мерзімін қысқартады.

Құралай ӘЛЖАППАР,

«QH»