«Дұрыс таңдау жаса»
28-29 қазан күндері Қарағанды қаласы әкімдігі ішкі саясат бөлімінің «Қарағанды қаласының жастар ресурстық орталығы» КММ ұйымдастыруымен мемлекеттік әлеуметтік тапсырыс аясында іске асырылып жатқан «Дұрыс таңдау жаса» жобасы аясында Қарағанды қаласы кәсіптік-техникалық колледж студенттерінің арасында жұмысшы мамандықтар бойынша байқау өтті.
Байқау «Дәнекерлеу ісі», «Ғимараттар мен құрылыстарды салу және пайдалану», «Тамақтануды ұйымдастыру», «Шаштараз-стилист», «Шаштараз-модельер» мамандықтары бойынша ұйымдастырылды.
Байқауға Қарағанды қаласының 13 колледжі қатысты. Ал жалпы қатысушылар саны — 40.
Конкурстық комиссия құрамында сала бағыттары бойынша білікті мамандар, қалалық мәслихат депутаттары, облыстық сыбайлас жемқорлыққа қарсы іс-қимыл жөніндегі арнайы мониторингтік топ мүшесі, ҮЕҰ өкілдері болды.
Байқау нәтижесі бойынша «Ғимараттар мен құрылыстарды салу және пайдалану» мамандығы бағытында Қарағанды техника-құрылыс колледжінің студенті Совет Дауренбек Саятұлы байқау жеңімпазы атанды. «Taмақтануды ұйымдастыру» мамандығы бойынша Қарағанды индустриалды-технологиялық колледжінің студенті Суфанкулов Далир Умедджонұлы, «Дәнекерлеу ісі» мамандығы бойынша Қарағанды тау-кен индустриалдық колледжінің студенті Зейнелкобден Асылжан Еркалиұлы, «Шаштараз-стилист» мамандығы бойынша Қарағанды технология және сервис колледжінің студенті Ерохина Александра Викторовна, «Шаштаразмодельер» мамандығы бойынша Қарағанды кәсіптік-техникалық колледжінің студенті Жмайлова Анастасия Евгеньевна байқау жеңімпаздары болып таңдалды.
Байқау жеңімпаздары бағалы сыйлықтар мен дипломдармен, ал қатысушылар сертификаттармен марапатталды.
ӨЗ ТІЛШІМІЗДЕН.