Далалық жиын
Әбілқас Сағынов атындағы Қарағанды техникалық университетінің әскери кафедрасында толық оқу курсын аяқтаған студенттермен бір ай бойы оқу-жаттығу жиындары өткізілуде.
Спасск оқу-жаттығу орталығының оқу-жаттығу полигонында 500-ден астам студент атыс қаруы мен әскери техникамен оқ ату бойынша практикалық жаттығуларды орындауда, сонымен қатар жауынгерлік машиналарды басқару нормативтерінде тапсырады.
— Әскери кафедрада екі жыл оқып, бар білімімізді тәжірибе жүзінде сынап, бекіттік. Болашақта мен Республикамыздың Қарулы Күштері қатарына шақырылсам, маман ретінде әскери техника мен қару-жарақпен жұмыс істеп, оларға қызмет көрсете аламын», — деп атап өтті курсант Александр Азаров.
Оқу-жаттығу жиыны аяқталған күні, емтихандарын сәтті тапсырған студенттер әскери ант береді. Оқуды бітіргеннен кейін, оқу-жаттығу жиындарын ойдағыдай аяқтаған студенттерге лейтенанттар мен запастағы сержанттардың бастапқы офицерлік және сержанттық әскери атақтары табысталады. Қарағанды техникалық университетінің әскери кафедрасы 1953 жылы Қарағанды тау-кен институтының негізінде студенттер арасынан запастағы офицерлерді дайындау үшін құрылды. Университеттің әскери кафедрасы 71 жыл ішінде, 22 мыңнан астам запастағы офицерлер мен сержанттар өтті, олардың көпшілігі әлі күнге дейін Қазақстан Республикасының Қарулы Күштерінде және басқа да құқық қорғау органдарында абыроймен қызмет етуде. Қазіргі уақытта курсанттар «Артиллерияны жауынгерлік қолдану», «Танк бөлімшелерін жауынгерлік қолдану» және «Арнайы жасақтарды жауынгерлік қолдану» атты үш цикл бойынша оқытылады.
